اولدوز سایاراق گوزلمیشم هر گئجه یازی
گج کلمه دیر یار گینه اولموش گئجه یاری
گوزلر آسیلی یوخ نه قارالتی، نه ده بیر سس
باتمیش قولاغیم، گورنه دوشورمکده دی داری
بی قوش ائیغام سویلیه رک گاهدان اییلده ر
گاهدان اونودا یئل دئیه لای لای هوش آپاری
یاتمیش هامی ،بیر االلاه اویاقدیر،داها بیر من
مندن آشاغی کیمسه یوخ، اوندان دا یوخاری
قورخوم بودی یار گلمه یه، بیرن یاریلا صبح
باغریم یاریلار، صبحیوم آچیلما ، سنی تاری!
دان اولدوزی ائیسته ر چیخا ،گوز یالواری چیخما
او چیخماسادا ، اولدوزومون یوخدی چیخاری
گلمز تانیرام بختیمی ، ایندی آغارار صبح
قاش بیله آغاردیقجا، داها باش دا آغاری
عشین کی قراریندا وفا اولمیاجاقمیش
بیلمم کی طبیعت نیه قویموش بو قراری
سانکی خوروزون سون بانی خنجردی سوخولدی
سینه مده اورک وارسا، کسیب قیردی داماری
ریشخندیله قیرجاندی سحر، سویلدی : دورما
جان قورخوسی وار، عشقین اوتوزدون بو قماری
اولدوم قره گون، آیریلاری او ساری تئلدن
بونجا قره گونلردی ایدن رنگیمی ساری
گوز یاشلاری هر یئردن اخارسا ، منی توشلار
دریایه باخار، بللی دی، چایلارین آخاری
از بس منی یاپراق کیمی هجرانلا سارالدیب
باخسان اوزونه سانکی قیزیل گولدی ، قیزاری
محراب شفقده ئوزومی سجده ده گوردوم
قان ایچره غمیم یوخ، اوزوم اولسون سنه ساری
عشقی وایدی شهریار ین گللی-چیچکلی
افسوس، قارا یل اسدی، خزان اولدی بهاری
**بیت اول این شعر استاد شهریار را جایی خوندم به قولی معتادش شدم و خواستم همه شعر
را بخونم ... چقدر به حال و هوای زندگی رو میده ...
هیچ نظری موجود نیست:
ارسال یک نظر